إحساااس

في جمالك من يلوم الشعر لو حس بقصور
أو تعثر بين حسنك والعيون الساحرات

وإنت ياللي لك حضور يحبس أنفاس الحضور
وإبتسامة من حلاها تختصر عشرة بنات

أي وصف وأي مدح وأي أحاسيس وشعور
تنصفك يالعذبة وإنتي جامعة كل الصفات

ناعمة قد وجديلك ليل ومحياك نووووور
هادية مثل النسيم وضحكتك سكر نبااااات

وحدك اللي لا حكيتي فاح الأصلي من البخور
وحدك اللي لا سكتي يا بخت حتي السكات

طلتك مثل السعادة فيها شي يبعث سرور
تدخل القلب وتشع الطيبة في كل الجهات


آآه لو تدري الصبايا فيك وإيش راي الزهور
وكيف لو مر بيها زينك تسأل الله الثبات

وإلا كيف إن المرايا تشعر بفخر وغروووور
لا إنعكس وجهك عليها وإمتلت حسن وحلات


0000000 0000000

نـرجـس ,حلا معجبون بهذا

المصدر : منتديات ريم الغلا - من ~•₪• للشعر الشعبي والنبطي ~•₪•