هذه القصيدة اعجبتني وحبيت اطرحها لكم



للشعر في فكري جبال ومواكير

ارقى بها لا ضاق صدري وهوجست

واختار لي منها لحون وتعابير

في شامخ حوله للامزان لامست

ومن قمته جبت الحرار المشاهير

اللي من اجل اوصافها للخطر دست

اوصافها تعجب لذوق المناعير

وإليا سمعت الراي منهم تنومست

ولولا الثقة في النفس بعض المشاوير

تقصر عن الهقوات ياللي تحمست

ادخل على الله من صدوف المقادير

رب ليا من لذت بحماه ما افلست

وعندي لبدع القاف حجه وتبرير

باسبابها فكرت,واخترت,واسست

سلام ياصبح الزمن يامسا الخير

من راس ظلع طويق لاقمة افرست

تاصلك وانت بعيد في ديرة غير لندن

ويحسدها عليك المدل است

ياشعب لندن ياحكومة توني بلير

يالعالم ياللي للحضارات مارست

مع ضيفكم قومو بخدمة وتقدير

وقولو له اني من غيابة تعومست

وتراه حافظ للقيم والمعايير

ماهوب لا يسهر ولايقرب البست

غاااايب وفي فكري ضيوف مسايير

.. ذكراك طيفك منك للحلم خامست

يمر ليلي بين طاري وتفكير

مجرد اسمك بس لا حل هلوست

البعد فعلا له على القلب تاثير

بين الضلوع العوج عانيت واونست

متى تجي؟لاجيت!عانقت للطير

وعلى قفى يمناي يافاتني بست

وياللي تعذر ليه بس المعاذير

خذ راحتك فيما وزنته وما قست

وما لايصير احكم عليه انت ويصير

فصل وانا مما تفصل تلبست

ويامن تشوف الشعر عين ونواظير

انا تراني من خلاله تنفست

تسأل وتطلبني جواب وتفاسير

ياسيدي شرفت,وانورت,وآنست

لله در التقنيه حول تطوير

الإتصال العنكبوتي .... وانا لست

ضد انتشار العولمه والتدابير

الي تقرب عالم الشرق للوست

والصيف والله يذكر الصيف بالخير

يمكن اجيك هناك في آخر اوقست

واختامها لجلك تطول المشاوير

من راس ضلع طويق لا قمه افرست

عنيـدهہ معجب بهذا

المصدر : منتديات ريم الغلا - من ~•₪• للشعر الشعبي والنبطي ~•₪•

سبحانك اللهم وبحمدك ، أشهد أن لا إله إلا أنت أستغفرك وأتوب إليك