يا نجمة الليل قولي اللي تقولينه
لو حرف واحد ترى منكّم يكفّيني
الشاعر المهتوي وانتي نظر عينه
يرخص لك الشعر كله يا نظر عيني
يا نجمتي ذا الخجل وانتي تدارينه
يا ليت يا روح روحي لو تداريني
محتاج للقلب الابيض ..وانشده وينه
ويا وين انا والعمر وانتي وأنا ويني
قلتي تبالغ... وقلبي هوب بيدينه
خليه ينزف شعر وانتي تحسّيني
ما اظن يكفي .. ولو بكتب عناوينه
بتضيع لي في العمر باقي عناويني
هذا الشعر قد ذبحني حدّ سكينه
واصبحت أنا بالشعر مجروح داويني
البرد في وسط جوفي زاد تمكينه
متى بدافي المحبه با تضميّني
نظرت أنا للقمر واتخبره وينه
وانا بعيد المسافه عن مياديني
ما هو كفاية على قلبي .. تضمّينه
غرقان أنا في البحر والموج يطميني
حاولت عمري على الله ترجع اسنينه
ويا للأسف ضاععت احلامي مع اسنيني
كلما يحاول فوادي ايعيد تمكينه
ما ريت لي في حياتي مول تمكيني
هذا الشعر ليت يا النجمه تفهمينه
وعقب الشعر ليت بانوارك تدلّيني