{ هدُوءٌ .. لا تعقُبُهُ عاصِفَــة ،! ..~

‏من تفكر في اشهب الوقت بالعقل السليم
‏يمسي يحسب اذنوبه و يصبح تايبي

‏ومن طرا له ما طرا لي ليا هب النسيم
‏ساااق هقواته بـ عزمه و شَفّه طايبي

‏بين هاجوسٍ جديد و هاجوسٍ قديم
‏موعد يجعل حنايا الصدر حطايبي

‏يالله اجعل ما عملته لوجهك يا كريم
‏وسمعةٍ بين العرب مثل سمعة شايبي

عذب الروح معجب بهذا

لو تشوف الكل عكس الاتجاة
‏لا تسوي شي من غير اقتناع

‏اختـلاف الراي مفهوم الحياة
‏واتباع الناس مفهوم الضياع .

نـرجـس معجب بهذا

‏كل ما قالوا لي لكل مجتهدٍ نصيب
‏قلت انا اسعى للحبايب ولا اعيّن لقا

‏وكل ما قالوا لي شوي يمكنّك تطيب
‏قلت أنا ضيعت زهرة شبابي وش بقى !

‏وكل ما نادى الرفيق القريّب يا الحبيب
‏انت تطرد لك سرابٍ مدي.. قلت تهقى؟

عذب الروح معجب بهذا

قريت مردود السلام ..قدّام أسلَّم واسألك
‏قريت حبٍ مايهون .. وخيول شوقٍ مسرجه

‏على النحر خصلة ظلام .. ليلك تركها تشغلك
‏وعلى بحر نجل العيون .. حبي على النون انسجه

طيب القلب ,نـرجـس معجبون بهذا

على ابتساماتك وطاريك الرحيب
‏على مهل لا جيتني .. على مهل

‏احب وصلك وإن غدا وصلك صعيب
‏حنا نحب الصعب ونعيف السهل .

طيب القلب معجب بهذا

نوره غـــــلاصمته تبــــاريح وشجـــــون
صوته دفــــــا لــــونه تشعـب بلونـك
خذني من الــــــواقع ابا الكـــــل يـدرون
ان الجفـــــــا ما هو بكـــــونـي وكونـك

نـرجـس معجب بهذا

‏لي حول عامين لا جيّه ولا روحه
‏أجامل الضيقة الغبرا وأسايرها

‏أحيان كنّي بقايا لون في لوحه
‏واحيان كني قصيده مات شاعرها

طيب القلب معجب بهذا

شريت قلبي يالغلا ( الف مبروكـ )
يعطيك خير القلب ،، ويكفيك شرهـ
من تمت البيعة غدا[ لك مملوكـ ]
كفالتة .. ضد الهجر ،، ( لا تضرهـ )

نـرجـس معجب بهذا

‏لاتقسى وأنا اللي حط ماودّك فيمناك
‏وحط فـ يسارك راحته "وانحرم منها "

‏لك الله يا أحّن المخاليق وش قسّاك؟
‏وش اللي نزع " ضِحكة " لقانا وكفّنها

‏وش اللي تغيّر آخر أيّامنا وش جاك؟
‏وش اللي حداك " لكلمةٍ "ماتثمنها

‏و على الروح ياقطعة الروح من قوّاك
‏وهي " روحٍ " أدنى ماتسوّيه يطعنها

طيب القلب معجب بهذا

بتروح لا لا تروح وان رحت باروح
روحي تروح ان رحت ياروح روحي
ماطبت من حبك ولامنك مصلوح
فيني جروح وزدت فيني جروحي
من اول(ن)ما ون ولشكي ولاانوح
واليوم قمت اون واشكي وانوحي
ان جيتني مسموح وان رحت مسموح
ان جيتني روحي وان رحت روحي

نـرجـس معجب بهذا

عيني امتلت فيك ، واكتفيت

نـرجـس معجب بهذا

‏مابي اعترف لك بالغلا وانت غالي
‏خلك كذا مابين ضامن وشكاك

‏مره تقول ان فيه غيرك فـ بالي
‏ومره تقول ان مابه إنسان يسواك !

طيب القلب ,عذب الروح معجبون بهذا

مادام حبك سر و السر مكبوت
خلك هنا فالقلب .. وش دخل الناس

لو ضمة ضلوعك يجي عقبها الموت
لا آضم صدرك دام قلبي لي انفاس

نـرجـس معجب بهذا

‏من فاته الحظ الرهاوي لا يضيق
‏الارزاق من رب العباد مقسّمه

‏ للهينه سكه وللعليا طريق
‏ ومن لا يغبّر شاربه مادسّمه .

عذب الروح معجب بهذا

كوني لاضوى الليل للشعر الحزين
‏وان سألتوا لا متى والله مدري لا متى

‏الشتا .. ليله معادي صدور العاشقين
‏وش بقى ماجبت من هم ياليل الشتا