شريتوا أضحيتكم ؟ حصري

:

قال الله ﷻ :-
﴿ ذلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوب﴾


صباح/مساء الفرح
كيفكم ؟




الأمه الإسلاميه كلها مُقبله
على شعيره عظيمه من شعائر الإسلام
وهي (ذبح الأضاحي) ..


في الفتره الأخيره
ومع ظروف كورونا
صارت العوائل تتفادى التجمعات

هذي مو مشكله ..
ولا هو موضوع الحوار
لأننا خلاص تشبعنا منه ..

نقاش الموضوع هو عن (ذبح الاضحيه)



طبعاً ماراح أسرد مجموعة أسئله
وانتم تجاوبون .. لا
لأنو اغلبنا ماعاد يحس ولايستمتع
بهذي الشعيره !!

يقولون منظر الدم والذبح ماينطاق !!!!!
وهم يسهرون على افلام رعب وزومبي

يقولون الريحه تحوم الكبد !!
وهم يشمون اخيس الروائح
في المقاهي مابين تدخين وتشييش !!!!

يقولون الذبح متعب مانعرف له
وهم مابقى عضلات في اجسامهم مانفخوها !!!

يقولون انها مو واجبه
وهم حتى الواجب تساهلوا فيه !!!

يقولون ويقولون ويقولون …….
طبعاً الكلام للبعض مو الكل
الا من رحم ربي !!

طيب وين النقاش يا منار ؟؟؟؟!!!!

مافيه نقاش بمعنى النقاش
بقدر ماهو نوع من الدردشه بيننا
كل عضو/عضوه .. يقولنا عن طقوس (ذبح الأضاحي)
عندهم ،،
بس ذبح الأضاحي
مو تشطحون لطقوس العيد
ههههههههه
عطوا هالمزيون حقه




حبيت من خلال هذا الموضوع
نحيي حب الشعيره في قلوبنا
ونقدس كل ماقدسه الله ورسوله
وصحابته من بعده ،،

في انتظار ردودكم
ودي أشوف كيف الناس تعيش هذي اللحظات
بكل تفاصيلها
ولا مانع من مداخلاتكم
في حل أو طرح مشكلة (ذبح الأضاحي)
عند البعض ،،،،


وبس ..
كل من راح يشارك له خروف
نفس هذا ،،،






وعيدكم مبارك مقدماً
منار
حصري

؛

اسيلوو ,عنيـدهہ ,يزيد الخالدي معجبون بهذا

المصدر : منتديات ريم الغلا - من ~•₪• صخب النقااشات الجادة~•₪•