حان الهداد وجـاك وقـت المقانيـص

[جوهرة العشق]

حان الهداد وجـاك وقـت المقانيـص

والجـو يطرب كـل عاشـق وقنـاص


اعلاج قلبي عن دكاتـر و تشخيـص

سجــة خـلا في خــايعٍ فيـه قــراص

سبعـة نشامـاً كلــبــوهـم قوانـيـص

مامنهم اللي يوم عـن ماقفـه لاص

شـــــالـوا مزاهبهـم بدقـه وتمحيـص

اثنين جكسارات والثالـث الشـاص

غالٍ شراها ماشروا شـئ برخيـص

اعيونهم للجـزل ماجابـوا رخـاص

سروا يبون الحـد معهـم تراخيـص

يقرون عما مع تبـارك والاخـلاص

وجهة جنوب بلا علامه وتنصيـص

أربع ميه مـع كثرهـا بالتخصـاص

كلٍ يعرف الدرب في دربه بخيـص

الكل منهـم عاهـد اخـوه بخـلاص

خطلان الايـدي كلبوهـم مفاريـص

ارجال عز وعرفهـم عـن تبخّـاص

اطيبهم اللـي مـــايــــعـرف المخاليـص

يضرب على الطاغي لياجاه ماحـاص

مـــافيهم اللي عفّص الهـرج تعفيـص

ان قال جزل الهرج ماينقص انقـاص

يعطيك هرج وموجز الهرج تلخيـص

مثل الدرر لا جت من يديـن غـواص

اخير من منهو كما فيـدت اغليـص

وليا نصحته نفـّص العيـن نفـاص

وساعـة لـــــفـو لاكلبوهـم معاويـص

سوولهـم دلـه وجابوا لهـا خـلاص

واركب عشاه اللي على الطيب حرّيص

قرم على دروب الشكالات مفـراص

والصبح بالمغباش قامـو قواصيـص

كلٍ على فاله مـع الاثـر قصـاص

انـــاســــةٍ مــامــثـلـهـا يــــــاقوانـيـص

هدد حرار ورمـي ماهـر وخـّراص

[صادق الاحساس]

اعلاج قلبي عن دكاتر وتشخيص
سجة خلا في خايع فيه قراص
نقل راقي وذوق راقي الله يسعدك اختي

[حكيمة العصر]

مشكوووووور والله يعطيك الف عافيه

[جوهرة العشق]

منوريني

[المسافر]

هذا شاعر متولع بالبر والقنص
يسلمو على النقل

[ريم الغلا]

اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة

[ريماز]

سلمت يمناك

[naDa..*]

يعطيك العافيه ع المجهود

[ثامر الشمري]

شكرا على الموضوع

[دوسري]

يعطيك العافيه

[رهف]

سَلِمت الأنَامل المُتألِقة لِروعة طَرحها
دَام الحضُور والعطَاء

[جوهرة العشق]

منورين حياكم الله