منتديات ريم الغلا - تحليل مصري لسياسة ترامب وحربه على الصين والعالم اقتصاديا

تحليل مصري لسياسة ترامب وحربه على الصين والعالم اقتصاديا

النهارده الحرب العالمية التالتة بدأت رسميًا.. بس المرة دي مش بالرصاص والطيارات والقنابل.. لأ بالاقتصاد!

طب ازاي؟!

لو انت مش عارف ايه اللي بيحصل في العالم الساعات الأخيرة، تعالى أشرحلك الموضوع باختصار، وركز معايا لأن اللي هقولهولك دلوقتي هو فعلاً بداية لفصل جديد في تاريخ العالم كله، واللي بيحصل مش مجرد شوية أرقام في البورصة... دي مواجهة شرسة بين أقوى دولتين في العالم، وكلنا هنتأثر بيها!

.. شوف يا سيدي.. النهارده كان يوم مرعب في تاريخ الأسواق والاقتصاد العالمي وبورصة وول ستريت، محصلش زيه قبل كده في التاريخ تقريبًا.. من الآخر كده، إدارة ترامب قررت تدخل في معركة اقتصادية مباشرة ضد الصين.. والمرة دي من غير لف ودوران..

طب ايه اللي حصل؟!

.. ترامب قرر امبارح يرفع الجمارك على الواردات الصينية بنسبة خرافية وصلت لـ104%.. نسبة خيالية محصلتش تقريبًا قبل كده.. وبعدها علطول، الصين مسكتتش وقررت هي كمان تفرض جمارك انتقامية بنسبة 84% على البضايع الأمريكية اللي داخلة عندهم!

طب هل الموضوع وقف هنا؟ لأ خالص...

النهارده ترامب طلع وقال: "الصين مش بتحترمنا ولا بتحترم أسواق العالم، وعشان كده هنرد عليهم رد موجع".. وبعدها علطول زود الجمارك تاني لحد ما وصلت لـ125% على كل حاجة داخلة من الصين!

مش كده وبس... ده في تقارير صحفية اتكلمت عن ان في مسؤول في إدارة ترامب واقترح رفع الجمارك 500%!

.. اللي حصل بعد التصريحات دي إن الأسواق العالمية وقعت زي ما يكون اتفتحت فيها نار جهنم!

البورصات الأوروبية كلها نزلت تحت الصفر:

• مؤشر "فايننشال تايمز" خسر 3.3%
• "داكس" الألماني و"كاك 40" الفرنسي نزلوا 4%
• وS&P 500 في أمريكا خسر 12% في 4 أيام بس!
• مؤشر داو جونز وقع 4500 نقطة... رقم مخيف!

الناس في أمريكا رجعت تخزن سكر ورز وكوكاكولا، زي أيام الهلع بتاع كورونا بالظبط.. يعني الشعب حاس بالخطر قبل الإعلام حتى ما يلحق يفهم..

بس البلوت تويست بقى في اللي جاي

م.

https://dorar.at/imup2/2025-04/124645.1000588796.jpg

https://www.arabsharing.com/do.php?img=349944