آلصمت له عندي معزّه
 

آلصمت له عندي معزّه ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت


تعبت من قولة : (علامك) و وش صار ؟
وان طحت ما ألقى سوى كلمة (سلمت)


واعذار اخلقها ولو مالي اعذار
مشّيتها مره .. ومرات ما رمت !!


كذبة صباح الخير/ يا صبح الانوار
عذري ليا عدّت ليالي ولا نمت


اسهر طوال الليل وضْيوفي افكار
واقول لاْصحابي : نعم توّني قمت !!


ما عاد فيني ألفت عْيون واْنظار
يكفي بأني من زماني تعلّمت


ان الصدر بيتــ ٍ.. وسكّانه اسرار
نيّام .. بس يصحون لامن تألّمت


يصحون ويناظرهم الجار والمار
وش عاد ينفع سترهم لو تكتّمت ؟!!


آقدّم اقدامي على درب الاصرار
امشي ولكن للأسف ما تقدّمت


النار قدامي .. ومن خلفي النار !!
والعمر يمضي بي وانا ما تولّمت


الين ذاك الحلم في لحظه انهار
وانا مع لحظة سقوطه تحطّمت


جروحي كثار..وتناهيدي كثار
لكن على كثر المواجع .. تبسّمت !!


ثم أْلتزمت الصمت وعزومي اكبار
ولو يشتعل جوفي حشى ما تكلّمت

كل الشكر لك على ابداعك

اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة

سلمت يمناك

يعطيك العافيه

سَلِمت الأنَامل المُتألِقة لِروعة طَرحها
دَام الحضُور والعطَاء

مشكوووووور والله يعطيك الف عافيه