منتديات ريم الغلا - ديوان الشاعر / عبدالرحمن بن مساعد

صفحة 1 من 2

عرض 40 مشاركات من هذا الموضوع لكل صفحة

منتديات ريم الغلا (https://rem2b.net/vb/index.php)

- ღ『 ديــــوان الـشـعـــراء ⚔️👑 』ღ (https://rem2b.net/vb/forumdisplay.php?f=46)

- - ديوان الشاعر / عبدالرحمن بن مساعد (https://rem2b.net/vb/showthread.php?t=2540)

مراسيل

07-09-2021 09:37 PM

ديوان الشاعر / عبدالرحمن بن مساعد

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

عن حياته

ولد الأمير عبد الرحمن بن مساعد (في سنة 1387 للهجرة الموافق 1967)

وهو أحد أبناء الأمير مساعد بن عبد العزيز آل سعود،
درس في الفيصلية في مدارس الرياض، ثم درس في كلية الهندسة أربع سنوات،
وحفظ القرآن الكريم في سنٍ مبكرة،
وكتبَ الشعر النبطي بلغة شاعرية مميزة

أقام العديد من الأمسيات الشعرية في الرياض و جدة وعدد من العواصم الخليجية والعربية.

عبد الرحمن الشاعر والملحن
يعد عبد الرحمن بن مساعد أحد أهم رموز الشعر المعاصر في الوطن العربي وفي الخليج خاصه
وذلك لما يتمتع به من فكر وموهبة شعرية فذة،
هذه الموهبة التي أسدلت الستار على مرحلة كان الشعر خلالها عبارة عن قصائد متشابهة من حيث الوزن والقافية والمحتوى.

وقد ألمح الفنان محمد عبده
إلى أن الملحن "صادق الشاعر" الذي لحن أغان عديدة مثل "مساء الخير" و"مذهلة" وغيرها هو الشاعر عبد الرحمن بن مساعد.

حياته الأدبية
كما لحن عدداً من الأغاني الجميلة
كالبرواز وشبيه الريح ومذهلة لمحمد عبده،
وأيضا لحن لعبادي وأصالة ونبيل شعيل وغيرهم،

يذكر أنه لم يظهر نفسه بهذا الاسم الا عن طريق محمد عبده في إحدى المقابلات.،

وكتب الكثير من القصائد وكتب أحد أوبريتات المهرجان الوطني للتراث والثقافة الجنادرية وبدأ واضحاً تركيز سموه على الشعر الفصيح من عام 2008 حتى هذا اليوم.

قصائده المغناة

1- البرواز

2- مساء الخير

3- شبيه الريح

4- قالوا ترى

5- تدرين وأدي بنفترق

6- عيونك آخر آمالي

7- أجهلك

8- الصبر

9- اصعد بعزمك

10- نصف الفراق

11- أربعين

12- النظرة الخجولة

13- رحل

14- يسعد صباحك

15- ما أظن

16- سلمان الشهامة

مراسيل

07-09-2021 09:38 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

شبيه الريح
شبيه الريح وش باقي من الالام والتجريح..
وش باقي من الاحلام..
وش باقي من الاوهام..

غير اني ألاقي في هجيرك فيّ..
وألاقي في ظلامك ضيّ..
وأوقد شمعتي في الريح..
شبيه الريح..

شبيه الريح انا ما اقدر اكدر صفوك العاصف..
شبيه الريح انا من لي سوى احساسك الجارف..
بقايا زيف اشواقي ..
سما أمطار أحداقي..
شبيه الريح وش باقي..

ابي اعرف متى تسكن رياحك..
وابي اعرف غرورك هو متى يطلق سراحك..
وابي اعرف متى تعصف، ومتى تعطف، متى تنزف جراحك..
وابي اعرف اذا باقي في بحرك موج اكسر فيه مجدافي..
وابي اعرف اذا باقي في همك هم ما شالته اكتافي..
وابي اعرف اذا باقي في هالدنيا حزن ما مرني واستوطن اطرافي..
بقايا زيف اشواقي ..
سما أمطار أحداقي..
شبيه الريح وش باقي..

سنيني يم، وقلبي المركب المتعب وانت الريح..
مجاديفي عذاب وهم، وزاد الوجد والتبريح..
وصبري صبر بحارة بغو في اليم محارة..
غشاهم موج كان من الغضب اغضب..
وكانوا للهلاك اقرب، لولا كثروا التسبيح..

حبيبي الأصدق الأكذب..
تعبت اوصل شواطئ طبعك الأعذب..
تعبت اجمع الم كل الموادع في الموانئ واحضن اطيافك..
تعبت السهد في ليل الشوارع والثواني تنطر مصابك..
تعبت الظلم واجحافك..
بقايا زيف اشواقي..
سما أمطار أحداقي..
شبيه الريح وش باقي..

مراسيل

07-09-2021 09:40 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

عيونك اخر آمالي وليلي اطول من اليم
كيف القى كلامٍ عذب يوصف دافي احساسي

عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي

يهمك تعرفي انك قتلتي في سنيني الهم
قتلني ضحكك وجدك قتلني لينك القاسي

رميت اقداري في دربك وصرتي في عروقي الدم
احبك كثر ما سالت دموع وما نسى ناسي

يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي

سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي

انا من كثر ما احبك ابيك كثر رمل اليم
وابيك تكوني فوق الناس وابي ماينحني راسي

مراسيل

07-09-2021 09:40 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

قلتي لي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
حبيبتي ما بيدي حيلة
لا صرتي الصورة وعيوني البرواز
وشلون ابنسى

أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى

حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى

مراسيل

07-09-2021 09:41 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

مساء الخير
مساء الخير و الإحساس و الطيبة
مساءٍ ما يليق إلا بأحبابي
مساءٍ غير غصن الطير يحكي به
عن اللي مسكنه جفني وأهدابي

هلا باللي أحبه كثر تعذيبه

حبيبي هو ولو ما قصّر الغيبة
و لو عن بسمتي قد طوّل غيابي
أعرفه زين و أعيتني أساليبه
عدوّي يوم و يوم أقرب من أصحابي

ملكني بين ترغيبه و ترهيبه
يفارقني و هو واقف على بابي
به الصادق به الغارق بأكاذيبه
يبي بعدي و دمعه بلّل ثيابي
به القسوة به الرقّة به الهيبة
به الضعف القوي به نشوة إغضابي

هلا باللي يصيب العطر بالريبة
يقول العطر أنا زايل و يبقى بي
هلا باللي يقول الورد وش لي به؟
من المهدى؟ أنا أو هو لأطيابي
هلا باللي عليّ يقسى و أماري به
هلا باللي أبد ما لان لعتابي

هلا باللي عجزت ألقى عذاريبه
هلا باللي تحبه كل أسبابي
مساءٍ فاق كل الشعر ترحيبه
بجيّة من سكن قلبي و أهدابي
مساءٍ فاض بالإحساس و الطيبه
مساءٍ ما يليق إلا بأحبابي

مراسيل

07-09-2021 09:42 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

قالوا ترى مالك امل

في قربها لو يوم
ابعد وجنّب دربها

هذا هو المقسوم
قلت اتركوني واسكتوا
خلوا العتب واللوم
قدني غرقت في بحرها

ولاعاد يفيد العوم
قالوا ترى في حبها

ويل وأسى و هموم
قلت ان قتلني حبها

حسبي تقول مرحوم
قالوا لي انسى ذكرها

منتب بها ملزوم
قلت ابشروا ياعاذلين

بنسى لذيذ النوم
قالوا بتلقى غيرها

واترك هواها اليوم
قلت العفو ياحاسدين

ما ابدل قمر بنجوم
قالوا لغيرك حبها

قلت الجواب مفهوم
دام انها متهنيه

وشلون اصير محروم
بقضي الليالي انتظر

صابر على المقسوم
متعلق بطرف الأمل

يمكن يجيني نوم
قالوا ترى في حبها

مالك امل لو يوم
ابعد وجنب دربها

وهذا هو المقسوم

مراسيل

07-09-2021 09:43 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

ما سألتوا صاحب النظرة الخجولة
كيف يسهرني وله وجه صبوح
كيف يظلمني وله طهر الطفولة
كيف يسكني وهو دايم يروح
وكيف أنا ألقى ربيعه في فصوله
دام كذبه صادق وصدقه مزوح

له صفات تورد العاشق ذهوله
مستكين و صامت وكله جموح
أصعب الأشياء وأكثرها سهولة
أغمض الأشياء وأكثرها وضوح
سهل تغرم به وصعب انك تنوله
غامض ف طبعه وواضح في الجروح

أسعد بشوفه ولكن ما أطوله
كني الوادي وهو أعلى السفوح
يبتسم لا منهم عنّي حكوا له
ولا حكوا لي عنه أعماقي تنوح
لي بقلبه شي لكن ما يقوله
وله بقلبي كل لكنّي أبوح

كنه الغيمة و انا أرجي هطوله
ما نزل غيثه ولا برقه يلوح
ما عرفتوا ليه تسهرني فعوله
وليه يسكني وهو دايم يروح
هو يبيني بس أطباعه خجوله
وما يبي أغفى وهو وجهه صبوح

مراسيل

07-09-2021 09:53 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

ما يحتمل، نصف الفراق ما يحتمل
نصف الزعل فارقت، في نفس السياق
فارِق، هواجيسي أجل وإزعل
ولا ترضى وفاق وإقتل، في أيامي الأمل
وإن كان بعدي لا يطاق فالأمر، يا قلبي سهل
هذي بنود، الإتفاق إرجع لخلك بالعجل
وما يحتمل قصر العناق، ولا التعقُل في الغزل
هو حب، ما منه انعتاق وما فيه
عادي أو ملل إضرام حد الإحتراق
ما أجمله ما يحتمل
إن طاب لك وقتك وراق عن غير
فرحك لا تسل هو عمر واحد
في سباق معنا، وله وقت وأجل
هو حب، واحد لا يذاق مثله
مرارتْه العسل هو اِنطلاق
الاِنطلاق وأقصى تهور بالمهل
هو إشتياق، الإشتياق وأحضان خلك
لك محل حريته، شد الوثاق يسعدك قيده للأزل
ما فيه ما وجه يراق بين
الأحبة ولا وجل إما كذا
ولا الفراق واللي أساسا قد حصل

مراسيل

07-09-2021 10:00 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

يسعد صباحك يا حبيبي حالي طيب
كل شي مثل اللي كان
المدامع .. والمواجع ..
والأمان اللي اختفى لحظة غيابك

والليالي اللي مضت .. مثل الليالي اللي مضت
الهم عازب .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي

وفي شفاهي باقيٍ نفس الكلام اللي بقى آخر لقا
مثل منتَ يا حبيب الروح شايف
كل شي مثل اللي كان
حالي طيب .. حالي طيب
يسعد صباحك .. يا حبيبي

هذا انت
كل ما ضاقتبي الدنيا تغيب
وكل ما ضاقتبك الدنيا تجيني

هذا انت
ان كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح
يا آخر دموعي وشجوني
وأول إحساسي جروح

ما بقالي من عذابي يا حبيبي الا انت
وهذا انت يا حبيب الروح شايف
كل شي مثل اللي كان
حالي طيب .. يسعد صباحك يا حبيبي

هذا ضي الصبح .. او هو بعض نورك ؟
هذا همس الورد .. او دافي شعورك ؟
منهو مثلك في غرورك ؟

جيت متأكد بسامح
راسم الطيبة ملامح
ماهو بدري !!
انت تدري
ما قتلني غيابك اكثر من حضورك

ايه كان العمر داكن
ايه كان الهم ساكن وقتي بعدك
بس أنا يا ضيّ عمري
كنت عودت الأماكن تألف بعادك وصدك
ياللي ما يرضيني ضعفك
ما ادري انثر فوق كتفك أغلى دمعي او أردك ؟

مراسيل

07-09-2021 10:03 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

رحل إشتاق لجراحـه رحـل رحل
إشتاق لجراحي رحـل
يحق له .. طيبتـي ماتحتمـل
قليلـة فـي وقـت الهـمـوم ما
كنـت أعاتـب أو ألـوم
يحق له مايحتمل هـذا الملـل
أسدلـت أيـامـي لعـنـاده

متعبـة هــذي السـعـادة
رحــــــــــــل
اللي حصل
.. كيـف أفهمـه واللـي رحـل مـن علمـه
من علمـه يهجـر إذا غطـى الـفـرح كــل
الـزوايـا
من علمـه يغـدر إذا صـار الوفـاء نـبـض وحنـايـا
مـــــن عـلــمــه
يـتـلاعـب بـروحــي
مــن علـمـه يـمـشـي عــلــى جــروحــي
مـن علمـه يقـتـل
فــي أيــامــي الأمــــل
من علم اللي إشتاق لجراحه ورحل
أقسى مـا فـي اللـي
بيجـي ما هو العذاب اللـي ابتـدى
ولا الصدى اللي خذا مني نداي ولا غروبـك عـن
سمـاي
أقسى مـا فـي اللـي بيجـي كـل الحـكـي والأسئـلـة
متـى رحـل .. ليـه
رحـل
ولا تعـابـيـر الأســـى علـى الوجـوه الصامـتـة
ولا الـعـيـون
الشـامـتـة ولا العـذول اللـي يـقـول
اللي حصـل ماهـو غريـب
واللى يقول
ماكـان يستاهـل يـكـون أغـلـى حبـيـب
أقسى مـا فـي اللـي بيجـي إنـــــي
أقـــــول
هـذا كـل اللـي
حـصـل
رحــــــــــــل

مراسيل

07-09-2021 10:06 PM

.
https://mrkzgulfup.com/uploads/162584902075151.png
عبد الرحمن بن مساعد بن عبد العزيز آل سعود

أجـهــلــك ... ولي سنينــن أتـخـيـلــك
أتمثلك في كل طيف وألقاك في قسمات ضيف
كـــل المـشـاعـر لــــه تــقــول حــنــا هــلــك
أجــهــلـــك ولـــــــي ســنـــيـــن أتــخــيــلــك
القاك في بعض الوجيه ويمرني طيفك وأجيـه
يـا باكـر الــلــي أجـهـلــة ارقـتـنــي الاسـئـلــة
وأبـطــي الـعـمــر يستـعـجـلـك أجـهـلــك ....

أجــهــلـــك ولـــــــي ســنـــيـــن أتــخــيــلــك
ووجــــهــــي الــــلــــي قــــــــد حــبــســتـــه
داخـــــــل فــــــــي غــمـــضـــة عــيـــونـــي
والــــلـــــي يــــامـــــا قـــــــــد رســـمـــتــــه
مـــــــن عـــبــــث طــيـــشـــي وجــنـــونـــي
وجــهــك الــلــي دوم يـظـهــر لــمــا آلــقـــى
نـــشـــوة الــفــكــرة الــجــديــدة داهـمـتــنــي
لـمـا الـقــى إنكـسـاراتـي قـصـيـدة وإكتبـتـنـي

وجـــــهــــــك الـــــلــــــي دوم يــــظــــهــــر
فـــــــــي اعـــاصـــيـــري وســـكـــونــــي ..
فـــــــــــــي الــــجــــبـــــال الـــشـــاهــــقــــة
فـأجـمــل خـيـالـي فــــي الـسـفــوح الـخـافـقـة
مـــابــــيــــن نــــبــــضــــي وانـــفـــعـــالـــي
يـا باكـر الــلــي اجـهـلــه أرقـتـنــي الاسـئـلــة
وأبـطـى العـمـر يستعـجـلـك ... اجـهـلـك ....

أجــهــلــك ... ولــــــي ســنــيــن أتـخــيــلــك
ووجــــهـــــك الــــلـــــي قـــــــــد نـــحـــتـــه
فـــــــــــي عـــظــــامــــي والــــــجــــــوارح
وجــــهــــك الــــلـــــي قـــــــــد حــفــظــتـــه
وبــــتــــفــــاصــــيــــل الــــــمـــــــلامـــــــح
بـــــالـــــنــــــهــــــار فـبـــــســــــمــــــتــــــه
بـــالــــشــــذا الــــــلــــــي فــــــــــــي وروده
بـــــــالـــــــهـــــــلاك فـغـــــضـــــبـــــتــــــه
بــــالامــــان الــــلــــي فــــــــي حـــــــــدوده

مـن جنـوحـه فــي البـهـا لـيـن أقـصـى نقـطـة
فــــــــي كــــاســــر جــمـــالـــه لــلــعــذوبــة
مـــــن شـــــروق الـــنـــور فــــــي ضـــيـــه
لـــلـــشـــعــــر فــــــــــــــي غـــــــروبـــــــه
مــن شـطـوط الكـحـل فــي عيـونـك لـنـحـرك
مــــــن بـــيـــاض الــثــلــج فــــــي خــــــدك
لــــجـــــمـــــر قـــــــــــــــاد ثـــــــغــــــــرك
يـا بـاكـر الـلــي اجـهـلــة أرقـتـنــي الاسـئـلــة
وأبــطــى الـعـمــر يسـتـعـجـلـك .. اجـهــلــك

يـالـلــي كــلـــي بـــــك مـعــرفــه وأجـهــلــك
مـــــــا اصــعــبـــك .... مــــــــا اســهـــلـــك
مــــــا صــعــبـــك .... كـــيــــف الاقـــيــــك
مـــــــــــا اســـهــــلــــك .... لـــوالاقــــيــــك
يـــــــــلــــــــــي دوم أتــــخـــــيـــــلـــــك ...
مـمـلـكـة لـحـســن الــزمــن . وأنـــــا مــلـــك

مراسيل

07-09-2021 10:11 PM

هذي مشاركتي بمسابقة ديوان شاعر اتمنى تعجبكم

ودي :261:

يزيد الخالدي

07-09-2021 10:29 PM

مشاءالله
الله الله عليييكك
روووووووعهه روووووووعهه
ابدعتي فيهه مشاءالله
سلمت الانامل
ويسلم ذوقكك الحلوو
لا عدمنا وجودك وجديدك
ربي يع ـطيك الع ـوآفي
لكك التقييم والاعجاب والختم
و كــــــــل الـــــــــود.,
http://www.sham-alro7.com/vb/images/.../923684042.gif

عنيـدهہ

07-10-2021 12:17 PM

الله الله ابدعتي
ديوان رائع و مميز و ذوووق
تسلم يمينكك ع هيكك إبداع
وفالكك الفوز
لاعدمنا وجووودكك و جديدكك
ودي لكك اند اعجابي اند تقييمي
‏http://www.sham-alro7.com/vb/images/.../923684042.gif

اسيلوو

07-10-2021 04:34 PM

ديوان رائع وجميل وتنسيق والذووق اكثر من رائع ابدعتي غاليتي

الساعة الآن 11:37 AM

صفحة 1 من 2

عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by Advanced User Tagging (Lite) - vBulletin Mods & Addons Copyright © 2026 DragonByte Technologies Ltd.