الكون موحش والمسا فاقد إحساس

الكون موحش والمسا فاقد إحساس
والهم ينسج من خيالي قصيده

أكتب همومي بالقلم فوق قرطاس
وأرسم معاناة الجروح الجديده

القلب وش خلاه مخنوق الأنفاس
بين الضلوع العوج ينزف وريده

إلا الفراق وغربة الناس للناس
وبعض السوالف والعلوم المكيده

ياقلب لا تحزن ولا يغلبك ياس
إرتاح وإستبشر بلحظه سعيده

أقولها يا قلب لا باس لا باس
لاتقهرك سود الليال العنيده

اللي ذكر طيبي على العين والراس
واللي تجاهلني تجاهلت سيده

ماهمني من باعني دون مقياس
عزيت نفسي والأماني بعيده

أنا كذا طبعي مع كل الأجناس
القلب عزيته وشديت قيده

حوله من الأضلاع حطيت حراس
تحميه من غدر الليال الشديده

اللي يذوق الغدر صافي من الكاس
لابد يتعلّم وعلمه يفيده

ضويت لي في سود الأيام نبراس
يهدي حياتي للدروب الرشيده

واللي يحاول يسرق اللول والماس
ماطالته عينه ولا طالت إيده

يبطي ويشهر للبشر ذل الإفلاس
لا بدد أمواله بيفلس رصيده

محشوم فكري عن تفاكير الأدناس
نفسي عن الهفوات دايم زهيده

ماكل صيد يجيبه الحر قرناس
يموت بالرمضا ولا هو يصيده

واللي يحاول يكسر الراس بالفاس
مثل الذي بيده يكسّر حديده

كتبتها جمله أنا بين الأقواس
(لاتقرب النيران جسمك تبيده)

أعوذ بالرحمن من كل خناس
من الوساوس والحياة البليده

ياوجد حالي كل ماهب نسناس
سافرت بأفكاري لدنيا بعيده

أتذكر اللي غاب من خيرة الناس
اللي وصوفه في خيالي فريده

محشوم وافي طيب العرق والساس
بين البشر مافيه شخصٍ نديده

نسله من الأحرار والعرق دساس
رحل عن الدنيا بساعه نكيده

الله يكسي جسمه الغض بلباس
من سندس الفردوس حله جديده

بصبر على فرقاه والقلب حساس
حياتنا ماجت على ما نريده

هذي النهاية تنكتب فوق قرطاس
أرسلتها عبر الأثير بقصيده


و سلامتكم

المسافر ,ســحـابة صـيـف ,انسان نادر معجبون بهذا

المصدر : منتديات ريم الغلا - من ღ『 بُــــوح الـقـــصـيــد 📜✨ 』ღ

طرحَ عَذب ..!! أختيآر أنيق وحضور صآخب سلة من الوردَ وآنحناءة شكر لسموك

صح لسان شاعرها وسلمت يمينك

لك الورد

أميرة القلوب معجب بهذا

اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة

سَلِمت الأنَامل المُتألِقة لِروعة طَرحها
دَام الحضُور والعطَاء

يعطيك العافيه ع المجهود

يعطيك العافيه

شكرا على الموضوع

سلمت يمناك

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..
طًرّحٌ مٌخملَي ..,
كُلْ شَئَ مختلفْ هُنــا
يعطَيكـً العآفية ..ولـآحرَمنآ منَكـً
بإنتظَآرَجَديِدكًـ بشغفَ
وًدًئ

..


ذَائِقةٌ
مُترَفَةٌ..بِـ كُلِ جَميلٍ
متصفَح فاتنٌ بِ الجمآل
يقطرُ سحراً يُشدنا
لاَعَدمْناكُم قَوافِل الجُوريِ
تَحتَفيِ بِكم

اقتباس:
المشاركة الأصلية كتبت بواسطة عطر البنفسج
طرحَ عَذب ..!! أختيآر أنيق وحضور صآخب سلة من الوردَ وآنحناءة شكر لسموك

يسلممو ع المرور
يسعدك ربي

اقتباس:
المشاركة الأصلية كتبت بواسطة سلطان الزين
صح لسان شاعرها وسلمت يمينك

لك الورد

يسلممو ع المرور
يسعدك ربي

اقتباس:
المشاركة الأصلية كتبت بواسطة ريم الغلا
اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة

يسلممو ع المرور
يسعدك ربي

اقتباس:
المشاركة الأصلية كتبت بواسطة رهف
سَلِمت الأنَامل المُتألِقة لِروعة طَرحها
دَام الحضُور والعطَاء

يسلممو ع المرور
يسعدك ربي