الفقر أفضل من ملذات الغنى

الفقر أفضل من ملذات الغنى
أباكل اليسير وأتوسد حصير
وأبعد عن هموم الخلايق
والعنا يمكن إذا ربي كتب إني أمير
ما شوف بالدنيا أحد إلا أنا
ولا أبي جنحان طير ولا أطير
أحيا هنا وموت وأحيا من هنا
ولاني بميت فقر قد عينت خير
ولا مال راسي للبشر والا انحنى
من أول أزرع خير يوم إني صغير
والحين يوم إني كبرت أجني جنى
لو إن صار العكس تدري وش يصير
بنيت ثم هديت باليد البنى
أشارك الإنسان في نفس المصير
أبعد ليا بعد وأقرب لا دنى
بعض البشر يمشي مع الصاحب ضرير
من وين ماثناه بالدرب أنثنى
لو إنها بالكيف خمرنا عصير
وكان استحلينا المعازف والغنى
ولو إنها من وين مانبغى نسير
نسكن بدور أهل المراقص والخنا
بحمده ماهي بالمشاور والمشير
شرع لنا دين اليسر دين الهنا
الي بيلقى خير لجله يستخير
لا عاد يبغى فوق أمانيه منى
لن القناعه كنز والطماع بير
يغنيه ربي صدق لامنه اغتنى
فكر معي ياخوك بالشطر الاخير
بكره يموت الخلق وبيفنىالفنا