تعال علمني

تعال علمني الهوى بالتفاصيل ----------- ما دام عندك في التفاصيل خبره

أنا ظلام في الهوى ,, وانت قنديل ----------- خل الفجر يغتاظ منك ويشره

من دون نورك كيف أنا بغسل الليل ----------- من ظلمته ,, ويبين للعين فجره

انثر من دروسك بدربي أكاليل ----------- وانا بعلقها على صدر بكره

ما دمت عصفورك واغني مواويل ----------- وانته لعصفور المحبين سدره

دعني أحلق فوق روس المحاصيل ----------- واجنيك يا غصن الأحاسيس ثمره

سر الهوى يحتاج أحيان تحليل ----------- أرجوك عطني يا اريش العين فكره

عن لا تخليني على جاري السيل ----------- ظامي ولا اقدر أرتشف منك قطره

خذني لقطرات الندى معك منديل ----------- وان شيت ,, مررني على خد زهره

ان نمت صحيني برنة خلاخيل ----------- أموت والقى للرضا فيك نظره