أنــــاااا نبضكـ زهر أرضككـ ...؟!

أنا أحبكـ وأبي قربكـ.. ترى مني قضى صبري

أنااااا نبضكـ زهر أرضكـ وأنت؟! ايه تملكني

بنحل خصركـ ..جمر ثغركـ وزود بلونكـ الخمري

تتوهني .. تغرقني.. ومن برددددكـ تدثرني

وتبكي لي وتشكي لي وله قلبكـ ومن سحري

أبي دموعكـ مع أنفاسكـ بصدق الود تحرقني

وأبي عطركـ مع سحركـ وآهكـ بالحشا تسري

أبي همسكـ يبعثرني غلا ولمسكـ يلملمني

وأبي عيونكـ من عيوني تذوب من الولع كثري

وأبي عهدكـ مع وعدكـ وأبي كلكـ تسلمني

أبي أيدكـ تسااااافر بي وزهر قدكـ يلحفني

وأهيم بعالمكـ عاشق جنوني أنت .. و بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنكـ حلمي يابدري

حبيبي قوم وصارحني عن احساسكـ وعلّمني

أنا أطري على بالكـ ؟! كثر ما أنته علي تطري؟!