تشيز كيك البيكان

◐ شغلي الفرن على 350 فهرنهايت من تحت..

#الطبقة_الاولى
في صينية ( 22سم×22سم ) ومغلفة بورق الزبدة
توزعين بالصينية بسكوت دايجستف مطحون12 حبة مع ثلاث ارباع زبدة ذايب و ملعقة سكر بني و رشة قرفة اضغطيهم عالقاعدة و الجوانب حسب الرغبه ودخليه الفرن يتماسك 5 دقايق ..

#الطبقة_الثانية
نسوي الحشوة، لازم كل المقادير بدرجة حرارة الغرفة
علبتين فيلادلفيا (180 جم الواحدة)
ثلثين كاس سكر
ملعقتين كبيرة عصير ليمون
ملعقة صغيرة فانيلا سائلة
3 بيضات
كاس ساور كريم (قشطة رائبة)
بديل الساور كريم : كاس فيه 3 ملاعق لبنة ونص قيمر .

#الطريقة
- نخلط الجبن لحد ما يتجانس ..
- ثم نضيف السكر والفانيلا و الليمون و اخلطي زييين لحد ما يصير كريمي..
- ثم نضيف الساور كريم ..
- اخيراً نضيف البيض ولا تخلطين كثير عشان ما يدخل هواء و يخفس التشيزكيك..
- وحطيه بالفرن الحار مسبقاً على 350 فهرنهايت من تحت فقط .. وتحتها حمام مائي (بالرف الي تحت بالفرن) او في صينية اكبر لمدة 20 دقيقة بعدين غطيه بقصدير و خليه بالفرن 20 دقيقة زيادة..
- سكري نار الفرن و شيلي القصدير و خلي باب الفرن مفتوح و التشيزكيك لا تطلعينه عشان ما يخفس لمدة ربع ساعة و طلعيه (كذا يبرد بالتدريج) و اذا برد دخليه الثلاجة عالاقل 4 ساعات او طول الليل ..

#طبقة_البيكان_اللذيذة
ربع إصبع زبدة + نص كوب سكر بني رطب + ملعقة صغيرة قرفة و شوية ملح + ربع كوب كريمة خفق + ثلاث ارباع كوب جوز بيكان مجروش ..
في قدر ع النار نحط الزبدة مع السكر لحد ما يذوبون ثم نضيف كريمة الخفق و القرفة و الملح و نحركهم حد الغليان و آخر شي نضيف المكسرات بعد ما نجرشهم
نصبها على التشيز بعد ما يبرد ..

◐ملاحظة
اذا تبونه الطبقة الاخيرة متماسكة
نرجعه للفرن من فوق شويات بس على نار هادئة 10 دقائق عشان يتماسك

"وبألف هنا.

بنت الشرقيه معجب بهذا